Դիմածնոտային վիրաբուժության բաժանմունք

«Սլավմեդ» բժշկական կենտրոնի դիմածնոտային վիրաբուժության բաժանմունքը հագեցած է ժամանակակից բժշկության մեջ մեծ պահանջարկ ունեցող վերջին սերնդի լավագույն սարքավորումներով, որոնք մասնագետներին հնարավորություն են տալիս իրականացնել  ինչպես դիմածնոտային վիրաբուժության լրջագույն վիրահատություններ, այնպես էլ էսթետիկ: Բաժանմունքում պարբերաբար նորացվում և համալրվում է կիրառվող սարքավորումների թիվը, ներդրվում են ինչպես համաշխարհային ճանաչում ունեցող, այնպես էլ հեղինակային վիրաբուժական մեթոդներ, որոնք վիրաբույժներին հնարավորություն են տալիս իրականացնել բուժման առավել արդյունավետ և նվազ ինվազիվ միջամտություններ: Բաժանմունքի մասնագետների բարձր որակավորումն ու փորձառությունն այս ոլորտում թույլ են տալիս իրականացնել նույնիսկ ամենաբարդ վիրահատական միջամտությունները՝ հնարավորություն տալով բուժայցելուներին շտկել ինչպես բերանի խոռոչի՝ ատամների բնածին և ձեռքբերովի արատները, այնպես էլ գանգաթաղի, դեմքի և պարանոցի փափուկ հյուսվածքների, դեմքի կմախքի ոսկրերի ցանկացած խնդիր՝ ընդգրկելով վերականգնողական և էսթետիկ վիրաբուժության ողջ ծավալը: «Սլավմեդ»  բժշկական կենտրոնի  դիմածնոտային բաժանմունքի մասնագետները պարբերաբար վերապատրաստվում են արտերկրի առաջատար բուժհաստատություններում, իրենց զեկույցներով մասնակցում են հեղինակավոր գիտաժողովների և սեմինարների:

Բաժանմունքում իրականացվում են վիրահատությունների և միջամտությունների հետևյալ տեսակները՝

-ատամների պահպանմանն ուղղված վիրահատություններ,

– ցանկացած  տեղակայման բարդության ատամների հեռացում՝ տեղային և ընդհանուր անզգայացմամբ,

– պարոդոնտի հիվանդությունների կոնսերվատիվ և վիրաբուժական բուժում,

– ոսկրային պատվաստման վիրահատություններ՝ բարձրակարգ նյութերի  կիրառմամբ,

– օդոնտոգեն բորբոքային հիվանդությունների բուժում,

– թքագեղձերի բորբոքային հիվանդությունների բուժում,

– դիմածնոտային շրջանի ձեռքբերովի և բնածին արատների շտկում,

– քունքստործնոտային հոդի հիվանդությունների բուժում,

– դիմային ոսկրերի վնասվածքների վիրահատական բուժում,

– դիմածնոտային շրջանի փափուկ հյուսվածքների և ոսկրերի բարորակ ու չարորակ նորագոյացությունների հեռացում,

– դիմածնոտային շրջանի բնածին բշտերի (կիստաներ) և խուղակների հեռացում,

– պարանոցի շրջանի բարորակ և չարորակ նորագոյացությունների հեռացում,

-բացակա ատամների վերականգնում,

– անատամության բուժում՝ ատամնային իմպլանտացիա, ինչպես տեղային, այնպես էլ ընդհանուր անզգայացմամբ,

– ծնոտների ատամնաբնային ելունների արտահայտված ատրոֆիաների վերականգնում:

 

Լրացուցիչ տեղեկությունների համար կարող եք կապ հաստատել մեր ադմինիստրատորների հետ, ինչպես նաև ուղարկել առցանց հաղորդագրություն՝ հետադարձ կապի միջոցով:

Շուրջօրյա գործող հեռախոսահամար՝ +374 (10) 322211

Հետադարձ կապ՝ info@slavmed.am