Էնդոկրին վիրաբուժության բաժանմունք

«Սլավմեդ» բժշկական կենտրոնի էնդոկրին վիրաբուժության բաժանմունքը հագեցած է ախտորոշման և բուժման համար նախատեսված ժամանակակից բժշկության մեջ մեծ պահանջարկ ունեցող վերջին սերնդի լավագույն սարքավորումներով, որոնք հնարավորություն են տալիս մասնագետներին իրականացնել վիրաբուժական միջամտություններ վահանաձև և հարվահանաձև գեղձերի բոլոր պաթոլոգիաների ժամանակ, այդ թվում՝ լիմֆատիկ հանգույցների հեռացում: Բաժանմունքում իրականացվում են բոլոր անհրաժեշտ ախտորոշիչ միջոցառումները, ընդհուպ մինչև բարակ ասեղային՝ 1 սմ-ից փոքր հանգույցների պունկցիոն բիոպսիաներ` FNA, որոնք կատարվում են սոնոգրաֆիայի հսկողության տակ:

Բաժանմունքում պարբերաբար նորացվում և համալրվում է սարքավորումների թիվը,  ներդրվում են համաշխարհային ճանաչում ունեցող լավագույն սարքավորումները: Բաժանմունքի մասնագետների բարձր որակավորումն ու փորձառությունն այս ոլորտում թույլ են տալիս ապահովել շուրջօրյա բժշկական օգնություն նույնիսկ ամենաբարդ վիրահատական միջամտությունների ժամանակ:

Օրգանիզմի տարաբնույթ կլինիկական դրսևորումները, օրգան համակարգերի ախտահարումները հաճախ պահանջում են համակցված մոտեցում՝ ինչպես կոնսերվատիվ, այնպես էլ վիրաբուժական: Անհրաժեշտության դեպքում բուժայցելուի խնդրի լուծմանն առավել արդյունավետ մոտեցում ցուցաբերելու նպատակով, բացի էնդոկրին վիրաբույժներից, միաժամանակ աջակցություն են ցուցաբերում նաև կենտրոնի այլ մասնագետները:

«Սլավմեդ»  բժշկական կենտրոնի  էնդոկրին վիրաբուժության բաժանմունքի մասնագետները պարբերաբար վերապատրաստվում են արտերկրի առաջատար բուժհաստատություններում, իրենց զեկույցներով մասնակցում են հեղինակավոր գիտաժողովների և սեմինարների:

Էնդոկրին վիրաբուժության բաժանմունքում իրականացվում են վիրահատական միջամտության հետևյալ տեսակները՝

-լապարասկոպիկ վիրահատություններ,

-դասական բաց վիրահատություններ,

-վիրահատություններ նվազագույն մուտքով,

-քիչ ինվազիվ օրգանապահպան վիրահատություններ,

-էնդոսկոպիկ վիրահատություններ:

Բաժանմունքում իրականացվում են էնդոկրին վիրաբուժության բոլոր տեսակները՝

-հիպոֆիզ

-վահանաձև գեղձ

-հարվահանաձև գեղձեր

-թիմուս (ուրցագեղձ)

-էնդոկրին համակարգի բարորակ և չարորակ հիվանդությունների վիրահատական բուժում (բազմակի էնդոկրին նեոպլազիաներ՝ ԲԷՆ համախտանիշ):

Լրացուցիչ տեղեկությունների համար կարող եք կապ հաստատել մեր ադմինիստրատորների հետ, ինչպես նաև ուղարկել առցանց հաղորդագրություն՝ հետադարձ կապի միջոցով:

Շուրջօրյա գործող հեռախոսահամար՝ +374 (10) 322211, թեժ գիծ՝ 8558

Հետադարձ կապ՝ info@slavmed.am