Ուրոլոգիական բաժանմունք

«Սլավմեդ» բժշկական կենտրոնի ուրոլոգիական բաժանմունքը հագեցած է ախտորոշման և բուժման համար նախատեսված ժամանակակից բժշկության մեջ մեծ պահանջարկ ունեցող վերջին սերնդի լավագույն սարքավորումներով, որոնք հնարավորություն են տալիս մասնագետներին ապահովել ուրոլոգիական հիվանդությունների՝ անհետաձգելի և պլանային հիվանդների ընդունելություն, ախտորոշում և բուժում ողջ ծավալով: Բաժանմունքում պարբերաբար նորացվում և համալրվում է սարքավորումների թիվը, ներդրվում են համաշխարհային ճանաչում ունեցող լավագույն սարքավորումները: Բաժանմունքի մասնագետների բարձր որակավորումն ու փորձառությունն այս ոլորտում թույլ են տալիս ապահովել շուրջօրյա բժշկական օգնություն նույնիսկ ամենաբարդ վիրահատական միջամտությունների ժամանակ:

Բաժանմունքում վիրահատություններն իրականացվում են հիմնականում երկու մեթոդներով՝ լապարոսկոպիկ և էնդոսկոպիկ, սակայն, իհարկե, կտրվածքով վիրահատություններն էլ ունեն իրենց ուրույն տեղը, քանի որ դեռ չեն կորցրել դերն ուրոլոգիական հվանդությունների բուժման գործում (և ըստ Ռ. Հովհաննիսյանի՝ մոտ ապագայում չեն էլ կորցնի): Անհրաժեշտ է նշել, որ բաժանմունքում նախապատվությունը միշտ տրվում է մինիմալ-ինվազիվ՝ լապարասկոպիկ եղանակով կատարվող ուրոլոգիական վիրահատություններին, որոնց մեր ուրոլոգների թիմը կատարյալ տիրապետում է:

Տղամարդկանց միզասեռական համակարգի և կանանց միզային համակարգի օրգանների հիվանդությունների բուժման համար կիրառվում են ժամանակակից՝ թե՛ կոնսերվատիվ, թե՛ վիրաբուժական մեթոդների:

«Սլավմեդ» բժշկական կենտրոնի ուրոլոգիական բաժանմունքի մասնագետները պարբերաբար վերապատրաստվում են արտերկրի առաջատար խոշորագույն համալսարանական և մասնավոր հիվանդանոցներում, իրենց զեկույցներով մասնակցում են հեղինակավոր գիտաժողովների և սեմինարների:

Ուրոլոգիական բաժանմունքում իրականացվում են՝

-ամբուլատոր միջամտություններ,

-ուրեթրոցիստոսկոպիա,

-շագանակագեղձի տրասռեկտալ բիոպսիա,

-միզածորանի սթենտավորում,

-միզուկի, միզապարկի, շագանակագեղձի էնդոսկոպիկ վիրահատություններ,

Արտաքին սեռական օրգանների հիվանդությունների վիրահատական բուժում՝

օրխեկտոմիա

էպիդիմեկտոմիա

վարիկոցելեէկտոմիա՝ միկրովիրաբուժական եղանակով

հիդրոցելեէկտոմիա

ամորձու բիոպսիա

փոշտի խուղակ

օրխիպեսքսիա՝ օրինակ, ամորձու ոլորումից հետո

մակամորձու ասպիրացիա

առնանդամի ծռման ուղղում` օրինակ, Պեյրոնիի հիվանդության ժամանակ

Ներմիզուկային վիրահատություններ

պրոստատի ներմիզուկային մասնահատում բիպոլյար տեխնոլոգիայով (Bipolar TURP)

միզապարկի ներմիզուկային մասնահատում ուռուցքների դեպքում

միզուկի նեղացումների հատում

միզապարկի քարերի հեռացում

Լապարարոսկոպիկ եղանակով և կտրվածքով կատարվող վիրահատություններ

արմատական նեֆրէկտոմիա՝ օրինակ ուռուցքների կապակցությամբ

արմատական  պրոստատէկտոմիա՝ շագանակագեղձի քաղցկեղի դեպքում

պիելոլիթոտոմիա

պարզ նեֆրէկոմիա

երիկամի մասնահատում (ռեզեքցիա)

երիկամների կիստաների հեռացում

միզածորանի պլաստիկա (հիդրոնեֆրոզի դեպքում)

մակերիկամի հեռացում /անդրենալէկտոմիա/:

Լրացուցիչ տեղեկությունների համար կարող եք կապ հաստատել մեր ադմինիստրատորների հետ, ինչպես նաև ուղարկել առցանց հաղորդագրություն՝ հետադարձ կապի միջոցով:

Շուրջօրյա գործող հեռախոսահամար՝ +374 (10) 322211,

Հետադարձ կապ՝ info@slavmed.am